قال اخـو محسن يا الاقدار يكفينا ألـم
حسبي الرحمن وحده على بعض العلوم
يا القنـص قومـي واشقاي ياوالـد وعـم
حسبنـا ربـي وعـنـده دواء كل الـهـمـوم
وعظـم الله اجرنا واجركم في ما حكـم
وحكم رب الكـون مانلحقـه قهده ولـوم
راح نـشـمـي لا زهمتـه يـجـلـي كـل غـم
سجل اسمه ساعة السلم او عند الهجوم
تـروي اليحمـوم واطراف شبـوه والعلـم
عن بطولاتـه وبأسـه وفعلـه في الكمـوم
مرغ أنـوف العـدو في المعارك ما انهـزم
راس مايخشى حماها وفي جنبه قـروم
راح ابـو طـه مـثـال الـشـهـامـه والـكـرم
راح عاقل ساعدي ذي به افتك بالخصوم
فـاز بعـد اغمـار قـبـلـه ووفـى بـالـقـسـم
لين صاروا في سما العز والرفعـه نجـوم
صـف من ربعـي نشامـا قـويـيـن الـهـمـم
يسلوا الخاطـر ويشفوه فـ اوقات اللزوم
بعدهـم ذي تدمـع العين من حزنـي بـدم
والكبـد تـفـرز وراهـم من الفرقـا سـمـوم
واشتعل في الجوف بركان يتطاير حمـم
يصهر الأحشا ويقذف شـرر مثل السهـوم
وهكذا المكتـوب واحكام يمضيها الـقـلـم
راحـو الشجعـان والـعـمـر طايـل للرخـوم
ونـسـألـك ياللـه بــطــه وبـالإسـراء وعــمّ
تـجـعـل الـجـنـه لهـم دار والأخـيـار قــوم
وختمها اصلـي علـى نــور مـكـه والـحـرم
احـمــد المختـار بـعـداد قطـرات الـغـيـوم
