رسالة لي أبوي البسافر

أبوي… لسه صوتك في الموبايل دافي لكن حضنك بارد في خيالي كبرت وأنا بسمع "اصبر شوية" والشوية دي بقت سنين فاكر اليوم القلت ليّ مسافر قلت ليك ما تمشي… ضحكت وسافرت قلت الغربة بس سنة وترجع والسنة يا أبوي كبرتني عشر أنا ما زعلان عشان الفلوس ولا داير قروش ولا هدية أنا بس داير أشوفك فجأة تقول: "كبرت يا زول… بقيت رجال" تعال شوفني قبل ما أكبر زيادة تعال أضحك قدامك ما في الشاشة البيت مليان… لكن ناقصك إنت والفرح ناقص نبرة صوتك أمي بتقول لي أبوك تعب عشانك وأنا بقول التعب كان معانا يا أبوي الغربة قسّمتنا نص هنا… ونص هناك صورتك فوق الحيطة شاهدة على السنين الفاتت ساكت أنا اتعلمت أكون قوي لكن القوي برضو بحتاج أبوه يا أبوي… الفلوس عمرها ما عوضت حضن والغربة عمرها ما كانت وطن."