كلشي يبدا بحُب الأموال، ناس مشتاقة وهذا لي كان، نبداو بعمي احمد مسكين، كافي غيرو شَرُّو شَبْرين، حكايتو كامل على ذِيك الدار، نهار كامل يجري باش تنباع، وإلا على هذاك لحُسين، مايدري هَمُّو جاه منين، لكن بعثوه ولادو عمرة لحين. نجوزو للثلاثي لخطير، اسماعيل وفتحي ولحميد، اسماعيل خازن رُوحو في فرنسا، متزوج ولا اعزب هذا سر كبير، حَرَّش ولادو على احمد لفقير، داير روحُو هو الضرير، عندُو سُكنة في حوش الريح، حَبْ يعيش باطل في الورث، وكي نجيبو سيرة لحميد، نقولو راس لفعى تع لمجموعة، يتهم في بابا سْرَق مليار، يبعث لي ميساج تع لهْبَال، يحسَّب في ربي والدعاء، دعَوتو فوق نيفو ترتد إن شاء الله، لوكان تلْقِيلو كلمة على ولادو، عينيه يحمارو خوف ملعين، فتحي لمازوزي يبان كيوت، يغُرَّك بعينيه لخضر والصوت، باني فبوعرفة فرس عروس، وليدو منير حْسَب روحو كبير، يدْخل فلورث لي خاطيه، يْحرَّش في باباه واش يْدِير، قطعلهم لورق في مشهد خطير.هذي حكاية دار بن دهيب، ما سلك منها صغير ولاَّ كبير.
