[Verse 1]
Loko mainty ny eo amin’ny masony
Tsy miteny izy fa fijery no resiny
Fitafy hentitra
Toa mandeha hiady
Nataony ampinga
Hanakan’ny tsikafony
Satria efa resy
Potika ny fony
Navelan’ny lasa ho triatra ny nofy
Ny fahamalinana sisa no namany
Hatsaran-tarehy ao anaty niafenany
[Chorus]
Maso manindrona nefa fo malefaka
Manao saron-tava mba tsy hisy handratra
Hentitra ny endriny
Tsy sahin’ny olona
Nefa fitiavana no ao anatiny mifolona (woah)
Mahay mamela
Mahay miandry
Na dia hitany aza fa ny hafa tsy madio sandry
[Verse 2]
Mandeha irery eny an-dalana izy
Mitondra ranomaso maina anaty hehy
Tsy manaiky ho fitaovana intsony ny fanahy
Tiany ho mendrika ny fitiavana ho avy
Misy fotoana mijery lavitra
Mieritreritra hoe: “mba hisy ho tonga ve?”
Izay tsy matahotra ny ratrako lalina
Izay hijanona
Tsy handositra rehefa zatra ahy
[Chorus]
Maso manindrona nefa fo malefaka
Manao saron-tava mba tsy hisy handratra
Hentitra ny endriny
Tsy sahin’ny olona
Nefa fitiavana no ao anatiny mifolona (yeah)
Mahay mamela
Mahay miandry
Na dia hitany aza fa ny hafa tsy madio sandry
