PSALM 91:1 BWL23
[1] EWỌ he sinai to fìwhiwhlá Gigogán tọn mẹ Na nọnọ̀ oyẹ́ Ganhunupo tọn glọ.
[2] Yẹn na dọ gbọn OKLUNỌ tọn dali, Ewọ wẹ fibẹ̀tado ṣie podọ fìgángán ṣie: Jiwheyẹwhe ṣie; ewọ go wẹ yẹn na dotudo.PSALM 91:3-16 BWL23
[3] Na é na dè we sọn omọ̀ hẹhùtọ tọn mẹ dò. Podọ sọn azọ́n he nọ hù omẹ súdo, mẹ. [4] E na yí awà etọn lẹ ṣinyọn oji we, Podọ to awà etọn lẹ glọ wẹ hiẹ na nọ din fibẹ̀tado te: Nugbo etọn wẹ awọ́yínu de po gaglo po. [5] Hiẹ ma na hanuna nudobu to ozán mẹ; Kavi na ogá he to zinzlọn to okle; [6] Kavi na azọ̀n ylanylan he zọnlinzin to zinvlu mẹ: Kavi na hùsúdo he to mẹva to klekle. [7] Fọtón na jai to adà towe mẹ, Fọtón ao to adusilọ towe mẹ; Ṣigba é ma na wá dali towe gba. [8] Nukun towe kẹdẹ wẹ hiẹ na do pọ́n Bo sọ mọ ale mẹylankan lẹ tọn. [9] Na hiẹ, OKLUNỌ È, wẹ fibẹ̀tado ṣie; Hiẹ ko yi Gigogán do basi fininò towe; [10] Oylan depope ma na jẹ oji we, Mọ azònylankan depopema na wá ogohọ̀ towe dali. [11] Na é na na aṣẹ angẹli etọn lẹ to oji we Nado whlá we to aliho towe lẹpo ji. [12] Yé na zé we daga to alọ yetọn me, Na hiẹ niká gbà afọ towe do zannu go. [13] Hiẹ na tùnafọ kinnikinni po lopa po ji: Kinnikinni ovu po olia po ji wẹ hiẹ na gbọ̀n to afọ glọ. [14] Na é ko zé owanyi etọn do ogo e, enẹwutu wẹ yẹn na whlẹn ẹn: Yẹn na zé e doaga, na ewọ yọ́n oyín ṣie wutu. [15] Ewọ na dawhá ylọ mi, yẹn nasọ siọ ọ: Yẹn na tin po e po to tukla mẹ; Yẹn na whlẹn en bo sọ gbògbé nẹ. [16] Ogbẹ́ ga wẹ yẹn na yí do pékò nẹ̃, Bo sọ do whlẹngan ṣie hia ẹ.
