Ry Tompo ô, dimy ambin'ny folo taona izao,
No nitantananao sy nitehirizanao ity mpanomponao;
Omenay fisaorana sy laza ny anaranao,
Fa hita sy tsapa ny fahatsaran'ny fonao.
Eny, ny zavatra rehetra nodiavina tokoa,
Dia miara-miasa ho amin'ny soa,
Ho antsika izay tia an'Andriamanitra,
Mitantana ny diantsika ho any an-danitra!
Tany am-piandohana, tamin'ilay andro niantsoana,
Ny feonao malefaka no nifidy sy naniraka;
Na teo aza ny fahalemena sy ny ahiahy tam-potoana,
Ny herinao hatrany no nampijoro sy nampisandratra.
Ny tànanao masina no nihazona ny diako,
Ny Otely masina sy ny Teninao no fifaliako.
Na ny sedra nodiavina, na ny aloky ny alina,
Na ny hafaliana nentina nampifaly ny ondrinao;
Tsy nisy very maina fa nisy dikany lalina,
Nentinao nanamasinana ity mpanomponao
Ny ratsy sy ny tsara, ny mafy sy ny mora,
Nalainao daholo, nentinao nampianatra sy nanoro.
