*Gusunɔ, wuna boko, wina Sinabu kpuro boko wɔllu ka temɔ*
*1*
Yen biru nɛ Yohɑnu nɑ mɛrɑ nɑ wɑ kɔnnɔ gɑgu gɑ kɛniɑre Gusunɔ wɔllɔ.
Mɑ nɑ mɑ nɔ ge nuɑ ge gɑ sɑ̃ɑ nge kɑ̃ɑkɑ̃ɑgi ge gɑ rɑ gbiɑ gɑ kɑ mɑn gɑri kuɑ.
Gɑ kpɑm nɛ, n yɔmɑ mi kpɑ u mɑn sɔ̃ɔsi ye yɑ koo nɑ ɑmɛn biru.
*2*
Mii mii Hunde Dɛro derɑ nɑ kɑ̃sɑ.
Wee, nɑ sinɑ kitɑru wɑ Gusunɔ wɔllɔ, goo u sɔ̃ te sɔ.
*3*
Wi u sɔ̃ mi, win wuswɑ bɑllimɔ nge ni nu nɔni bwese bwesekɑ mɔ kɑ ni nu nɔni swɑ̃ɑru mɔ.
Guru wɑ yɑ sinɑ kitɑ te sikerenɛ yɑ bɑllimɔ nge kpee te tɑ nɔni wuru beku mɔ.
*4*
Mɑ sinɑ kitɑnu yɛndɑ nnɛ nu sinɑ kitɑ te kooro bure.
Mɑ guro gurobu yɛndɑ nnɛ bɑ sɔ̃ kitɑ nin wɔllɔ bɑ yɑ̃ɑ kpikinu doke kɑ furɔ wurɑgisu.
*5*
Yerɑ sɑ sinɑ kitɑ ten min di guru mɑkinu yɑrimɔ kɑ wurenu kɑ guru gbɑ̃sukunu.
Fitilɑkunu nɔbɑ yiru ni nu sɔ̃re nu wɑ̃ɑ sinɑ kitɑ ten wuswɑɔ.
Niyɑ nu sɑ̃ɑ Gusunɔn hundebɑ nɔbɑ yiru.
*6*
Sinɑ kitɑ ten wuswɑɔ yɛru gɑgun bweserɑ wɑ̃ɑ mi, ge gɑ kɑ diki weenɛ.
