يقول القادري مـاهمنـــاشي
اذا كأس الهناء يانفس مارواش✍️
بدون المال ولابه. تعــاشي
وفيها خير خلقه هاكـذا عاش✍️
فعمر المـلك مادام للنجــاشي
ولاعمره بقي حـاكم للحباش✍️
قلي له حمد فيمابه ومــاشي
وعيشي راضيه ماربنا احياش✍️
فكم غيرش طريح فوق الفراشي
وكم غيرش في المشفى والانعاش✍️
فخلي راتب التقوى معــاشي
وعيشي بالقناعه خير ماعطاش✍️
الايانفس دام العمر مـــاشي
قلي ماخط ابو مدين ووصاش✍️
واذا وقتي ووقتش مـاستواشي
فعيشي صابره لا الوقت غثـاش✍️
وذا من قال منكر مستحاشي
فهاتي ماخفاش الله لاأخزاش✍️
وذا يانفس قيفاني عـطاشي
فسقيني قوافي عذبه اسـقاش✍️
من اصحاب المصالح والتماشي
ومن وقت المنافع والتـهباش✍️
ومن ذي في صحبنا ماوفاشي
ومن عايب ومتربص وغشاش✍️
ومن طامع وجاحد مكتفاشي
ومن ذي عيشته هماش هماش✍️
ومن ذي لاهتريته مــــاهتراشي
وانا له عون في وقت التحراش✍️
ومن بالصدق عمره مامشـاشي
ومن يانفس وقت الصدق ماجاش✍️
ومن بالحقد طرفه ماغــفاشي
وذي مابذكره ماظن يخفاش✍️
واذا بادر منافق في نقاشي
فردي بالتجاهل كن مـوحاش✍️
ومن يهجر ويخصم لجل ماشي
فعيني في جداره رفع الاحواش✍️
وعيشي صابره من كل واشي
ولو زادت عمايل كل رباش✍️
فلا عقلش كما عقل المـواشي
ولابه نسر بايهتاب خفاش✍️
الايانفس بالمعروف عــاشي
وكل انسان كيفما عيشته عاش✍️
كلمات✍️ابراهيم محمد القادري
