Intro n Manel:
S daxel-iw kečč i t-id-yulin
Nek yid-k ida i tt-ilint
Ad veddeɣ nek ma t-ukkid-ḍ
Mara tɣefleḍ i ɣliɣ
Couplet 1 - Younes:
Wissen ansi d-a d-ffɣeɣ
Iwakken ad kecmeɣ ɣur-m
Yid-m ayen ara qqimeɣ
Ma taggara d tuffɣa s-m
Mli-yi-d dacu i rveḥeɣ
Nek mayella ḥemmleɣ-kem
Imi uqvel ak-m issineɣ
Aha tura Ɛyiɣ di-m
Dɣa din la ttxemmimeɣ
Ttweḥhideɣ i lesrar-im
D imani-w la steqsayeɣ
Qqareɣ-as amek it-t wudm-im?
Refrain - Manel:
Di lesrar-iw ma tfehmeḍ
D lebɣi-k ara d-awyeɣ
Di tuder-t ay-i tfarseḍ
Ar lmut qvel ak-awyeɣ
Couplet 2 - Younes:
Ur tesɛiḍ ṣṣwab d lḥeqq
Lexdeɛ yusa-d f tmura-m
Lkezzv s lbaṭel isewweq
Tenfa tiddi-t di lǧira-m
Di-m e nniya t-aɛreq
Ttaḥraymit i t-vuv t-arwa-m
Winna yellan d amnafeq
D win i mu tefkiḍ ayla-m
Ameɣvun di-m yeɣreq
Yettweḥid di lesrar-im
Ayaken yexdem yaɛweq
Ur yessin amek it-t wudm-im?
Couplet 3 - Manel:
Udm-iw d azedgan yesfa
Lesrar-iw d ayen i d-yevanen
Lkezzv ur yett-dum ara
Ttidett ara t-iɣelben
Lbaṭel xas ma iressa
D lḥeqq a t-id-isvegnen
Timsirin a k-sslemdeɣ
A d-tɛeddiḍ si lmeḥayen
Nek akka i d-awwaḍeɣ
Taggara d ayen vninen
Eddu yid-i s nniya
A k-ssaliɣ d asawen
Couplet 4 - Younes:
Di-m lḥerma t-exsar
Ɛinani lƐiv i t-eddu
Nnif-im yewwi-t yeɣzer
Cbeḥ-am yedmi-t waḍu
Wig ḥemmlen s wul yenttar
Ur d-igri di-m uḥulfu
Tayri s daxel-im d lqmer
S lkaɣeḍ la tet-tnuzu
Ma d igellil yettwaḥqer
Yettweḥid di lesrar-im
Yeqver s lhem-im yesver
Ur yessin amek it-t wudm-im
Couplet 5 - Manel:
Tayri-w ur tveddel udem
D aḥulfu g wul-ik t-ekkate-t
Tin yesfan ur t-reddem
Xas yir zman yes-arwat
Leqmas laman a t-t-segmeḍ
I levda ur tettmettate-t
EsƐu tissas ssusem
Ddu d ubrid-ik ar zatt
S nnif d lḥerma-k xdem
D wigi i d-isƐayate-t
D ddunit-ik a lfahem
Tella yiwen machi snat
Idir day-i s usirem
Taggara a k-caɛleɣ tafat
Fin Ensemble:
Ini-yi sƐiɣ asirem
Nfiɣ s wul-iw layas
D ddunit-iw ḥemmleɣ-kem
Di-m ad z-huɣ yall ass
