يا الصحة غدرتيني للصبيطار لحقتيني
كنت عايش لاباس مهني
حتا شفت فالفراش مرمي
الطبة دارو بيا نحاولي الدم من يديا
قالولي حالت صعيبة لازملك عملية
لتما تفكرت كلام ربي كي قال المومن مبلي
ماعنديش منين نهرب هاد الشي مكتوب من عندالرب
علبالي الحالة صعيبة كي شفت وجه الطبيبة
قلتلهم اصبرو شوية حتا يلحقو والديا
كي لحقت يما ليا سالو الدموع من عينيا
عنقتها او قلتها ماتخافيش
ودعيلي لربي باش نعيش
انا هاد الدنيا شابعها
او لوكان يكون مكتوبي نموت
لازم تصبري شدة وتفوت
قالتلي نتا مهبول
تروح عليا نتبعك لقبرك كونك متاكد
شفت في عينيندها يسيلو الدموع
قلتلها الى الله الروحوع
تمتم الفراملا طلعوني البلوك خدروني ملتم ماشفيت والو
معرفتش شحال الوقت فات
فطنت مصروع حتا العائلة قالو مات
منبعد انحلو علينا
سقسيت الطبيب إلا نجحت العملية
قالولي صعيبة بصح نجحت
حمدت ربي في قلبي
او قلت مازال العمر طويلة
بصح مازال باش نبرا
لوجع في ضهري يكوي كي الجمرة
ماشي ساهلة ياسامعين
واش جوزت مانتمناهش حتا لعدياني
بصح تعلمت بزاف حاجات
الي يحبوني والي تمناولي المامات
