Bénédiction

[1] DONANỌ wẹ mẹdepope he dibusi OKLUNỌ; He zinzọnlin to aliho etọn lẹ ji. [2] Na hiẹ na dù azọ́n alọ towe tọn; Donanọ wẹ hiẹ na yín, é nasọ yọ́n na we. [3] Asi towe na taidi ovẹ̃n sinsẹ́nnọ to asabó owhé towe tọn: Ovisunnu towe lẹ na taidi atin olivieli lẹ, lẹ́do tafo towe pé. [4] Dayi e go, dọ le wẹ dawe he dibusi OKLUNỌ Na yín donanọ do. [5] OKLUNỌ na dona wẹ sọn Ziọni mẹ: Hiẹ nasọ mọ dagbe Jelusalẹm tọn to azán ogbẹ́ towe tọn lẹpo mẹ. [6] Nugbo, hiẹ na mọ ovisunnu ovisunnu towe lẹ tọn. Jijọho ni tin to Islaeli ji.