Kebi Rasta

👫 "መታዓቢተይ✍️Kebi Rasta" # ኣብቲ ናይ ንእስነት፡ ናይ ቀደም ጎደና፡ # ብስሕቕ ተሰንዩ፡ ዝሓለፈ ግዜና። # ባዶ እግሪ ኴንና፡ ሓመድ እናኣልዓልና፡ # ንመጻኢ ሕይወት፡ ሕልሚ ነሊምና። # ናእሽቱ ኴንና፡ ሓደ ልቢ ነይሩና፡ # ዓለም ከምዚኣ፡ ኣይመሰለትን ነይራ። # መታዓቢተይ ናፊቀኩም ኣነ፣ # ትዝታ ንእስነትና፡ ኣብ ልበይ ሰፊነ። # ዓለም ፋሕ ኣቢላና፡ በብወገንና፣ # ግን ኣይጠፈአን፡ እቲ ጽቡቕ ፍቕርና። # መታዓቢተይ... መሓዙት ንእስነተይ፣ # ክንራኸብ ድዩ፡ እቲ ናይ ቀደም ትምኒተይ? # በብወገንና፡ ሕይወት ተበቲኑ፡ # ስደት ወይ ስራሕ፡ መገዲ ቀይኑ። # ስእልኹም ጥራይ እዩ፡ ኣብ ኢደይ ዝተረፈ፡ # ትዝታኹም ግን፡ ካብ ልበይ ዘይሓለፈ። # ገለኹም ርሒቕኩም፡ ገለኹም ቀሪብኩም፡ # ኣብ ኩሉ ዓለማት፡ ስደት ተወዚዕኩም። # ትዝ ይብለኒ... እቲ ዋዛኹም፣ # ትዝ ይብለኒ... እቲ ፍቕርኹም። # ዝኾነ እንተመጸ፡ ዝኾነ እንተኾነ፡ # ንእስነትና እያ፡ ንልብና ዘሕበነ። # ናፊቀኩም ኣለኹ... (ብጾተይ) # ክንራኸብ ኢና... (ሓደ መዓልቲ) # መታዓቢተይ... መታዓቢተይ... # (ብፍላይ ሳሓቅ)ጫወታኩም ናፊቀዮ ኣነ።