أشتي أعيش أشتي أعيش

أشتي أعيش أشتي أعيش أشتي أعيش أشتي أعيش بين المحش والبريش حيث الغيوث والطشيش ما اشتي المدن والجميش ولا الضجيج والوشيش ولا القفر والبير النشيش كافي ضنك كافي دويش أشتي سكون ما اشتيش ربيش أشتي أعيش أشتي أعيش أشتي أعيش أشتي أعيش حيث المجشة والجشيش والجشيشة والجريش وأشتي عسل مع الهريش واوقد على الحطب والقشيش واخبش من اللحم والحميش أشتي أعيش أشتي أعيش أشتي أعيش أشتي أعيش ما ابى الطُّرافِش ومن كان حربيش أبغى حبيب محنبش ما آباه حنفيش اشتيه رقيق مهذب ذكي وخَنْبَيش هو ريم قلبي صاحب الوجه البشيش زين الأحابيش ما احلاك يا ذاك الخُشَيْش قد هويتك مذ رأيتك وحبشت لك تحبيش ويوم القاك باجرش وباحرش وباجمش جميش وبعدها اغتسل واياك بالماء النشيش أشتي أعيش أشتي أعيش أشتي أعيش أشتي أعيش أشتي فلوس وبقشيش وأشتيني أنعث ما اشتيش تحويش وابغى أجترش وأكون هشيش ما ابغي الهوشة والربيش ولا الأجش والغشيش ولا هلسكم والنديش أشتي كلام الصدق ما اعرفش ترقيش وأشتي الوضوح ما افهمش توطيش ما عندي كشيش واشتيت تحفيش قررت اعتزل مليت تبويش أشتي أحلق مع الورشان ما اشتيش توريش عقلي من هرمكم يطيش اشتي ابتسامة ما اشتيش تكريش واشتي أمان كافي نقاط تفتيش يكفي هدار وتهريش أشتي حكم العدالة لا حوثي ولا عفشيش قد جاش قلبي وقل النطيش ما عادني ذاك القوي الكميش قد صرت مجحوش وحالي جحيش لكن الأمل في الله يداويني وينعشني نعيش