اللهي اسألك من قلب حاير..
بدعوات غيرها يارب ما اختار..
لنا تغفر وسكنا المناظر..
في الجنة وينجينا من النار.
وجنب أسرتي كل المخاطر..
وتحفظ شعبنا من كل مكار.
وتجعل غرس اخي صدام نادر.
ويارب احفظه من عين الاشرار.
اخوك عاهد يقول ماقدرت اسافر.
من امريكا وقلبي صار محتار.
وللوطن يا عبير الشوق هاجر.
مثيل البرق واسبق كل طيار.
وصل لافوق صنعاء وانت عابر.
باتسمع في نقم زفه و مزمار.
وشرف منزلي بالسعد عامر.
وكل الاهل مجموعين في الدار.
ع يلقاك أخي لي كالحيد شامر.
بنا مهتم له عزه و مقدار.
مجاهد ذي دفع حق التذاكر.
وسفرني وهو كبتن و طيار.
و كامل أخوتي هم لي معابر.
حزامي و الشراع من كل إعصار.
وبلغهم سلام من قلب طاير.
للقياكم وشوقي مثلما النار.
تحرك بعده الصاله وبادر.
برحاب لضيوف ترحيبي الحار.
وقول يامرحبا ترحيب وافر.
لكل الضيف واصحابي والاصهار.
ومبروك أرسله تبريك صادر.
من امريكا وقلبي نبع والإصدار.
لخي صدام ولو ماكنت حاضر.
نحت اسمك بقلبي نحت الاحجار.
ووصفتك من جمالك شخص نادر.
ووجهه مبتسم مُشرق بالانوار.
وبارسل تهنياتي والمشاقر.
وتبريكات لك من كل معيار.
وبهديك تهنئة من عطر فاخر.
وباقة ورد مطوية بالازهار.
تصل بالمسك لك وسط المباخر.
ونعلنها نبأ عاجل بالاخبار.
ونجعلها على الشاشه مباشر.
وعبر النت نرسلها والاقمار.
ويصلح شانكم ربي بالاخر.
وتلقى السعد و البهجة والانوار.
وقم ياهاجسي ذلحين غادر.
وذكر بالنبي في ختم الاشعار.
صلاة الله على نور البشاير.
محمد وآله الاخيار الاطهار...
