ما كنتش نعرف بلي راكي راح تولّي أغلى إنسانة في حياتي.بصح نهار حڨرتيني وقلتي: "الرجال كامل كيف كيف"، وجعتيني بزاف.قلتلك: "يا بنت الناس راكي غالطة."ما حبيتش نثبتلك بكلام، حبيت الأيام هي اللي تثبتلك.
ومع الوقت تبدل كلش...وليت نزيد نحبك في كل لحظة،وولّى قلبي متعلق بيك.
وكتب ربي وتلاقينا،وكان أجمل نهار عشته.ضحكتك، نظراتك، وحتى السكوت اللي بيناتنا،كان عندي أغلى من الدنيا كاملة.
وجا وقت تروحي...حاولت نبان قوي، بصح ما قدرتش.الدموع سبقوني،لأن فكرة فراقك كانت توجعني بزاف.
شفتك هبطتي من الطوموبيل زعفانة،وحبيت نجري عليك ونقولك:"ما تروحيش... خليكي معايا شوية برك."
ومن داك النهار وأنا نستنى،نستنى نهار نشوفك فيه من جديد،ونعاود نعيش معاك نفس الفرحة،يمكن أكبر وأجمل.
وراني حاب تعرفي حاجة وحدة...إنتِ ما بقيتيش مجرد بنت عرفتها من مواقع التواصل،إنتِ وليتي روحي، وسعادتي، والإنسانة اللي نتمنى ربي يكتبها ليا طول العمر.واكيد راح نكون قد كلامي وغير لي نديهت
