“Ba Domin Allah Ba”
Sun ce ka sauya hanya domin su yarda da kai,
Ka bar gaskiya domin su ce kai ne na gari.
Ka manta da wanda ya halicce ka da hikima,
Saboda murmushin mutane marasa tabbas.
Ka dubi zuciyarka, tana kuka a boye,
Tana cewa gaskiya ta fi duk abin duniya.
Amma ka danne ta da tsoron abin da za su fada,
Ka sayar da imani da farincikin wucin gadi.
Ba domin Allah ba… ka canza hanyar ka,
Ba domin gaskiya ba… ka bi son zuciya.
Mutane ba za su ceci ranka ba,
Ranar da zaka tsaya kai daya!
Yau suna dariya da kai, suna cewa kai ne na gari,
Gobe za su juya su ce baka isa ba.
Duniya tana canzawa kamar iska,
Amma gaskiyar Allah bata canzawa har abada.
Ka tuna ranar da babu kowa sai kai,
Ba aboki, ba masoyi, ba wanda ya yaba maka.
Sai ayyukanka da niyyarka a zuciya,
A can ne zaka gane wace hanya ka bi.
Ba domin Allah ba… ka canza hanyar ka,
Ba domin gaskiya ba… ka bi son zuciya.
Mutane ba za su ceci ranka ba,
Ranar da zaka tsaya kai daya!
Ka dawo tun kafin lokaci ya kure,
Ka tsaya kan gaskiya ko da kowa ya juya.
Domin wanda ya tsaya da Allah,
Bai taba rasa komai ba.
Kar ka sayar da lahira saboda duniya,
Kar ka bar haske ka bi duhu.
Domin wanda ya canza addini don mutane,
Ya rasa komai… duniya da lahira.
