ذكرى المولد ببرناوة
دمعي يحرق فوق خدي راه يسيل...والذكرى تجري في الخاطر تكوي ...والقلب المجروح يضوي كالقنديل ...والمشاعر لاهبة ثاني تضوي...مصبتش طريق ملقيتش دليل...والدنيا يا صاحبي راهي تغوي...عندي كل شيء فقير وذليل...تقول مسدس راه متصوب نحوي...في العسل مرار مشفيتش غليل...وانايا عطشي العين اليتروي...منقدرش نكون غيري في بديل...ونسكت صوتي الي فيا يدوي...انا يا سليم لكني عليل...وانا يا بالشعر للذكرى نروي ...مر علينا وقت محبوب وجميل...والإنسان يمدلو كيما ينوي ... فات الوقت وكان بالرحمة نبيل...ولا صوتو كيالذيب اليعوي...بردت شمسو طول جفنو راه كليل...وحتى الفرخ الزين مات وما يزوي....الخل الوفي يطلع لك عميل....مداني وكلاس فلاح وبدوي...ديرنا يا خالقي هنا تاويل...راهو قلبي ذاب مشخشب مروي....في ذكرى الي فيه نزلت التنزيل...والذكر الحكيم في ايدو مطوي...وبحق القرآن لمرتل ترتيل...ترحمني من دود متجبر يخوي
